Mizo Hlapui hmasaber ‘Lalberte Lalber’

Mizo Hlapui hmasaber ‘Lalberte Lalber’ tih phuahtu H.Lama chanchin tawi

Hranglamthanga; H.Lama tih emaw mitdel Lama tih emawa hriat lar tak mai hi kum 1897 buh tuh laiin(May thla vel a nih hmel) Mizoram hmar lam Lengkawt khuaah a lo piang a. Kum 8 anihin Thlangdar-in a mit a zunkhum avangin a mit hi
a del ta a ni.Pianpui unau farnu pakhat chauh a nei a. An naupan deuh laiin a nu leh pa hian thihsanin a pami te chhungin a thih thlengin an enkawl a ni. Zoram hmar lam khaw hrang hranga an pem kual hnuin Kum 1976 Kumthar Ni takin Manipur-a Rengkai khuaah a thi a ni.
Mizo Hlapui hmasaber ‘Lalberte Lalber’ tih hla hi kum 1924, July thlaa Zawngin khuaa a phuah a ni. Chutih lai chuan Vanbawng khuain hla phuah turin an rawn ngen a, an chang thlan chu Thupuan 4:8-a, ‘A thianghlim e, a thianghlim e....’ tih  a ni. A rilruah chu chu a riak renga; tichuan he hla a phuah dan chu hetiang hian a sawi, “Pathian-in Lalberte Lalber’ tih hla min pek lai hian ramhnuaia fianrial tawngtaina ka neih laiin a ni a. Thupuan bu-a ‘Lalpa Pathian Engkimtitheia, Awm tawha leh awm meka leh lo la awm tura chu A thianghlim e, a thianghlim e,’ tih chu ka thinlungah chiang em em in a lo lang a. Van Angel leh Serafim-ten an chawimawite pawh ka ngaihtuah a, ka suangtuahna mitthlain ka hmu,” tiin. A thu a peih hnu chuan  athluk erawh a la nei mai lova. Chumi hnu feah chuan a thluk siam turin khawdai hmun fianrial lungpui chungah thuin a tawngtai leh a, chutih lai chuan Kawlhawk rual hian van dung an rawn thual a, a chung zawnah chuan an thlawk ri ta huau huau mai a. An thla zap ri chu ngun takin a ngaithla a, ngaihnawm a ti em em mai a, chuta tang chuan a thluk leh part hrang hrang in-chord dan turte thlengin a hre chiang thei ta a. Kawlhawk thla zap ri hmangin chu hla thluk chu Pathianin a pe ta  a ni. Kum 1924 July thlaah a thu dawngin kum 1925 April thlaah a thluk nen a zo thei chauh a ni. He hla hian kum 1930 hma deuh atang khan Zoram hi a l o deng chhuak vek tawh a ni. He hlapui bakah hian hlapui chuai thei lo ‘Van indona’ bakah hla dang 20 dawn H.Lama hian a phuah bawk a ni.

KA MEI LUM AIPUI KHA

Ka zan leng haw chu thianpa i va haw tlai ve, lo thu ve la, tiin min lo bia a. Chutia zanrei lam tawh a nula khawlaia mei lo ai ta ngawt chu KS vel a nih ka ring deuh a, mahse han belhchian ve reng reng ka chak ruk deuh avang chuan a sawmna chu pawmin mei chu ka pan ve ta a.

Meilum chu kan ai dun a, a ti ti barh barh mai a, khawvawh dan em em hi a mak ngawt mai, hetiang hrim hrim chuan engtin chuan kan awm dawn ni maw ka ti a, a ni pawh chuan min zawm ve khawp mai a, thenkhat lah chuan vawt ti ve lo ni awm tak hian Two Wheller-in chak tak tak chuan an tlan tak vawk vawk a, chutiang vel leh thil dang dang sawi a kan ti ti mawlh mawlh lai chuan ka zun chhuak chu tlem ka kalsawn hret a, ka zung ta mai a, ka zung zo mei lam pana ka han kal leh chuan ka meilum aipui nula hmel reng reng chu hmuh tur a lo awm tawh lova, a kal ta a niang tih dawnin thla a en a vangin thui tak thlengin kawngpui dung lah chu a lang tlang rul mai bawk si a,  Mak ti tak chuan ka hawi ka hawi ta mai a. Chutia ka meilum ai pui ber hmuh tur a awm tak loh ah chuan in lam panin ka haw ve ta chhat chhat a. In ka thlena ka mut hnu pawh chuan ka mak tih a la reh thei chuang lova, rei fe ka ngaihtuah hnu chuan ka lo muhil ve ta a. A tuk zing ka than harh chuan ni a lo chhuak uar tawh a, zan lama ka thil tawn bawk chu ka rilruah a rawn lut leh a, ka hmai ka phih sawk sawk a, zan lama kan mei aina chu va hmuh leh reng reng tumin ka kal ta a. Ka va thleng chu ka mak tih a zual ta tulh tulh mai. Zan a kan mei aina kha ka han en a, mei chhemna hnuhma awm reng reng a lo awm miah lo mai a, mi'n an lo ti fai han tih dawn in a ni thei hian ka hre bawk si lova, lei leh a chhehvel te chu an lo tifai tawh a nih pawhin tlem tal chuan ung ve deuh turah ka ngai a, mahse chutiang awm reng reng a awm ta si lova. Hrilh hai tak chuan ka let leh ta a. Ka let leh chu a piah deuha ka thianpa te inah chuan ka tei lut a. "Zing zingah khawnge i kal a?" mi lo ti a. Khawiah kal lo e, ka rawn leng kual mai mai ka han ti zet naa, ka thil tawn chu ka thianpa chu ka hrilh ta tho a, a ni pawh chuan mak a ti hle mai a. Ka thianpa ka hrilh thawm chu a pain a lo hre thawi a, a pa zawk chuan min rawn chhang ta a, eng tin maw Mawite, nizana i nula lenpui i tibo a maw? a rawn ti a........Phur deuh huna chhunzawm atan khek tawh ang..

NU-I I BAI A LIAM

Nu-i I Bai a liam

Hmanlai chuan an tia lawm, ‘Pa ber in tapchhakah lungthu tlawh chhanin mei lum a ai a, an bai chhuan chu a so liam bawrh bawrh a, an nu pawn lama buh denglai chu kovin, “Nu-i, i bai chhuan a liam han chawk rawh” an ti a. Nu ber chu thil dang tiin buai hle mah se an hnial ngai lova, mipa chu an che ngai lo a ni’ an ti. Tunlai hunah ve thung chuan, ‘Nu-i i bai a liam han chawk rawh’ tih te zawng khawi lamah, Nu-i eng hmeh nge ka siam dawn, eng nge i duh kan ti ta zawk a nih hi. Mipa \heuh \heuh in ang lo tak kan ni.
A chunga kan sawi ang a inti mipa taka, ‘Nu-i i bai chhuan a liam, han chawk rawh’ an tih ang khi mipa tih dan tur a ni a, mipa chu pa takin an awm tur a ni e ka tihna a ni lova, a phena thil awm, eng vanga hetianga ti ngam hi nge an nih tih hi kan ngaihpawimawh zawk tur chu a ni.
Hmanlai chuan mipate hi an hlu in an pawimawh a, an dinhmun pawh an dah sang thin hle a, ngaihsanawm leh chhuanawm tak pawh an ni reng a ni. Khawtlang tan leh chhungkaw tan an hluin an thlamuanpuiawm in, khawtlang venhim nan chuan lu chhum, ban chhum pawh huamin sa leh ral lakah pawh nunau te muantu an ni a. Engkimah mipa chu a hmahruaitu an ni a, hmeichhia ten an hnung an zui a, in leh lo din leh ei leh bar ngaihtuah reng reng mipa chanvo leh mawhphurhna vek a ni a, chung an mawhphurhna te chu hlen zo ngei turin tan an la a, chutiang tih theih loh chu thih hreh in an hreh thin a ni. Chuvangin in chhungah pawh an lal em em a, ei rawngbawl leh tui chawi leh thingphurh ilo, inchhung chet vel hi chu hmeichhe hnaah an ngai a, an khawih pui ngai lo a ni.
Tunlai kan dinhmun nen han khaikhin chuan in ang lo tak kan ni. Mipa ten drugs leh ruihhlo chi hrang hrang buaipuiin khawtlang leh ram tana tangkaina neih a hnek in, buaipuiawm leh hnawksak kan lo ni ta zawk a nih hi. Chutihlaiin hneichhiate erawh hi chuan an thil tihna kawngah theihtawp chhuahin tan an la a, engkimah a fawng vuantu, a khaidingtu zawk an ni ta zel mai a nih hi. Chhungkaw tam tak chu hmeichhe thawhchhuah a chawm sei len, hmeichhe rorelna hnuai a awm kan tam ta mai. Hmanlai kha chuan mipa chuan chhungkua an chawm thin a ni ngai a, tunah erawh chuan hmeichhiain chhungkua an chawm ta zawk a nih hi. A zahthlakin mipa te kan thanharh a hun ta tak zet mai. Pathianin mihringte a siam danah pawh mipa chu hmeichhiate enkawl a kaihruaitu tur kan nih laiin, hmeichhia zawkin min kaihruai ta zawk mah mah a nih hi. Thalai mipa Two Wheller nei tam zawk hi chu chhungte leisak kan nih laiin hmeichhe Two Wheller nei ho hi chu an thawhchhuaha lei an ni fur a ni. Mipa te puanven sawi chhinga tan lak kan ngai hle a ni.
Mipa ten hmeichhia kan umphak tawh lohzia chu Competitive Exam hrang hrang result han thlir te hian, a top lamah hmeichhe hming hi a lang deuh zel mai a, sorkar hnathawk hmeichhia 62% an nih laiin mipa 38% chauh kan lo ni tawh a, bazar leh dawr hrang hrangah lah hmeichhia te hi mitdel pawnto an sawi ang mai an ni, mipa hmuh tur an vang ta pharh mai.khawnge mipa te kha kan tih chuan hmanlaia hmeichhe hna kha inlamah an lo thawk ve ta thung ni mai awm tak a ni. Tun anga kan kal zel chuan nakin lawkah chuan kan thlang Khasi ho ang khuan hmeichhe in lamah mipa kan la lawi ve lo ang tih pawh sawi har tak a ni ta.
Hmanlai kha chuan, ‘Hmeichhe finin tuikhur ral a kai lo, bumna ngaihah vawi sarih a bum theih’ an lo ti thin a, tunah erawh zawng, thil a lo danglam ta a niang nge. Hmeichhia pawhin an tih duh loh thil tha lo hi, a fing zawk mipa te hian kan lo ti leh mai thin a. Ruihhlo ti thin zingah pawh hmeichhia aiin mipa an tam zawk fe a, thenkhat lah chuan intih changkannan lo hman an tum thul, changkanna hmufum tak chu a ni.
Mipa te hian kawng hrang hrangah tan la thar leh ila, kan hmeichhia te tan a pasal tlak, nupui fanau chawm thei, chhungte pawhin mawhphurhna an pek ngam, mahni mawhphurhna hlenchhuakzo ni tur inbuatsaih thar leh ang u. Pathian thuin“Hmeichhe lu chu Mipa a ni a, mipa lu chu Krista” a tih lai a hmeichhia zawk chhungkuaa roreltu ber a nih tlat chuan eng emaw buai hi a awm duh a, hetiang chhungkua kan rama kan lo tam tak vang pawh hi a ni mai thei a ni, hma kan sawn theih loh na chhan pawh hi. Amaherawhchu, chhungkaw eizawngtu leh a chawmtu ber a nih miau chuan hmeichhia pawh nise, rorelna chu kan pe lo thei si lova, thawhchhuah nei ve lo tan chuan huaisen a har thin a ni.
Hmanlai mipate kha chuan chhungkua an chawm zova, an mawhphurhna an hlen chhuah thin avangin inchhungah pawh an lal em em a, ‘Nu-i, i bai chhuan a liam’ an ti ngam thin a, chutiang bawkin keini pawh hian chhungkuaah thuneihna kan neiha rorelna kan lek kawh ngamna turin ei leh bar zawnna leh kawng hrang hrangah tan kan lak a hun ta hle mai. Nu-i i bai chhuan a liam i ti ve ngam dawn em le?

Ram leh Hnam Dam nan(Kristian chhungkaw Hla)

Ka sawm vel e,
Hringmi chinlai rual zawng te,
Sualna khurpuia tang zawng nen;
Hmangaihtu angchhung chawlhna nuamah,
Hlim leh muanga chawl turin.
Chutin Siamtu zai ngai a
Lalpa chenna chhungkua din turin.
Lo haw ru lenrual zawngte,
Lalpa hriatpui loh chhungkaw din
A pawi ngai e ram leh hnam tan
Bo ralna lamtluang zawh an lo ni.
Fahrah, riangvai, sualna a pun
Tualthah, ruk ruk leh hlep ruk,
A hrang zual zel e ram tinah.
Ram leh hnam kan dam tlan nan
I din ang chhungkaw maicham,
I sawm ang u Lalpa rorel a'n.
Lo cheng vela kan run chhungah
Hmangaihtu Lal Pathian.
Chhungkaw puipa ber lo ni la,
Kan sual leh bawhchhiatna tam hle mah se
Kan dil tlawm min ngaithla ang che tiin.
I hlan ang kan tu leh fa lal hnenah
Mifel Job-a dungthulin.
Malsawm fanau rochante an boral lohva
Chatuan nun an neih theih nan
Nitin chhungkaw maicham siam thin ila
Chungei chu a ni ram leh hnam damna lamtluangpui chu.
Chutin ram nuam a lo thleng ngei ang.

Kawnpui Dinthar Branch KTP:

Kawnpui Dinthar Branch

Thlalak Bawm - Official Website of KTP Tuithiang Branch

Thlalak Bawm - Official Website of KTP Tuithiang Branch

PENDRIVE HMANGA WINDOWS LOAD/BOOT DAN

Step 1: WINTOFLASH sofeware download la, i install ang a.
Step 2: Task-ah khan click la, ... Task type kha chu i mamawh angin thlang mai rawh. windows 7 emaw, windows xp emaw, chutiang zel in. I thaln fel hnuah Create ah khan click keuh mai la.
Step 3: USB Drive type, Format type, File System kha chu thlak kher pawh a ngai lo. Windows source Path-ah khan window7/xp kha han browse la.
Sptep 4: Drive-ah khan i pendrive awmna drive kha thlang la.
Step 5: Run kha han click leh zeuh la. Drive format warning a rawn pe ang che ang a, OK i click dawn nia. File a in copy ang a, han nghak deuh la i zo a ni mai.
                     Han ti chhin teh le